کامل داوري July 2009 27
د ولسمشرۍ پرکانديد شهنواز تڼي باندې په هغه غونډه کې د بوټونو ګوزارنه وشول، کومه چې نن په هلمند کې د ده د ملاتړ په موخه جوړه شوې وه.
دغه غونډه د زمري په ٥مه، له غرمې وروسته د لښکرګاه ښار د مجرانو په کارته کې جوړه شوې وه.
په هلمند کې د تڼي د کمپاين مسوول باچا ګل وويل چې په دې غونډه کې د ولايت دمرکز او نږدې ولسواليو شاوخوا ٤٠٠ کسانو برخه اخيستې وه.
د ولسمشرۍ پر کانديد شهنواز تڼي په دغه غونډه کې هغه مهال د بوټونو ګوزارونه وشول، چې نوموړي د حامد کرزي پر حکومت نيوکې پيل کړې .
د غونډې درې ګډونوالو له شاوخواا ته مترۍ څخه پر تڼي د بوټونو ګوزارونه وکړل، چې د هغه له سر او يوې خوا څخه تېر شول او يو يې د سټيج مخې ته ولګېد، خو تڼى ترې روغ ووت.
دغو بوټ ويشتونکيو تڼي ته ويل چې تا پخپله واکمنۍ کې څه کړي دي ، چې اوس دې پر کرزي نيوکې پيل کړې دي .
د بوټونو له ګوزارونو سمدستي وروسته جنايي پوليسو ياد شوي کسان ونيول او غونډه ګډه وډه شوه، خو لږه شېبه وروسته غونډه بېرته منظمه شوه او تڼي خپله وينا پيل کړه.
اشتراک در:
نظرات پیام (Atom)
هیچ نظری موجود نیست:
ارسال یک نظر